Extrait
Touchez un mot pour le traduire
Acaesció una vez, que el conde Lucanor estaba fablando en su poridad con Patronio, su consejero, et dijol: --Patronio, a mi acaesció que un muy grande homne et mucho honrado, et muy poderoso, et que da a entender que es cuanto mio amigo, que me dijo pocos días ha en muy grant poridad, que por algunas cosas quel acaescieran, que era su voluntad de se partir desta tierra et non tornar a ella en ninguna manera, et que, por el amor et grant fianza que en mi había, que me quería dejar toda su tierra, lo uno vendido, et lo al encomendado. Et pues esto quiere, seméjame muy grand honra et grand aprovechamiento para mi; et vos decitme et consejadme, lo que vos paresce en este fecho.
--Señor conde Lucanor, dijo Patronio, bien entiendo que el mio consejo non vos face grant mengua, pero pues vuestra voluntad es que vos diga lo que en esto entiendo, et vos conseje sobre ello, facerlo he luego. E primeramente, vos digo, que esto que aquel que cuidades que es vuestro amigo vos dijo, non lo fizo sinón por vos probar. Et paresce que vos conteció con él, commo conteció a un Rey con un su privado.
E el conde Lucanor le rogó, quél dijiese como fuera aquello.
--Señor, dijo Patronio, un rey era que había un privado en que fiaba mucho. Et por que non puede seer que los homes que alguna buena andanza han, que algunos otros non hayan envidia dellos; por la privanza et bien andanza que aquel su privado había, otros privados daquel rey habían dél muy grant envidia et trabajábanse del buscar mal con el rey, su señor. Et como quier que muchas razones le dijieron, nunca pudieron guisar con el rey quel ficiese ningun mal, nin aun que tomase sospecha nin dubda dél, nin de su servicio.
Questions fréquentes
Peut-on lire El conde Lucanor en ligne gratuitement ?
Oui. Lisez El conde Lucanor de Don Juan Manuel en ligne gratuitement sur typereader, en espagnol, sans inscription. Touchez un mot pour sa traduction instantanée.
Existe-t-il un livre audio d'El conde Lucanor ?
Vous pouvez lire El conde Lucanor avec la traduction au clic ; un livre audio synchronisé existe pour de nombreux autres titres.
Quel est le niveau d'El conde Lucanor ?
El conde Lucanor se situe autour du niveau C2 (CECR). Chaque mot étant traduit d'un clic, il convient aussi un cran en dessous pour apprendre espagnol.
typereader - la meilleure façon d'apprendre l'espagnol : lire de vrais livres, chaque mot traduit d'un simple clic, porté par l'audio synchronisé. Tous les livres · Ouvrir l'application →